Eigentlich bin i...

... an ganz furchtbarer Fotomuffel wora. I find dia richtig wichtiga und schöana Momente ka ma nit mit oanam Knips festheba. Damit i do aber ab und zua amol eppas veröffentlicha ka, han i mine Digicam etz uf am Schribtisch liga, dass i öfter amol dra denk se z'mitnia.
Natürlich täts no an Hufa zum varzella gia. I bi jo oh all schwer beschäftigt...
Letschtes Johr im Herbst ha i mi übarreda lo, zum wiedar bei da Emer Musik mitzuflöten. Hät nit denkt, dass as mir wiedar so taugt. Etz simma gad in da "kritischen Phase" wia da Wolfi seit, denn in 9 Täg homma Konzert. I bi zwar nur dia halbe Zit uf da Proba und o uf d'Usruckiga muass i oft verzichta, weil i am Schaffa bin, trotzdem isch as total lässig wiedar dabei z'si.

Wenn i nit am Schaffa oder uf da Musikprob bin, findat mi sit Dezember reacht oft beim Tae-Bo-Training und beim anschließenda Qi Gong. Was als Hetzerei und Umananderblödlerei agfanga hot, isch ma mittlerweile zu anam feschta Wochainhalt wora. Es isch immer wiedar spannend, wia wit i go kann, wiaviel min Körper eigentlich ushebt. I trau mi etz sogär scho ins eineinhalbstündige Freestyle-Step-Aerobik und ha a bessere Kondi wia da Clemens, gea Schatz!?! ;-)
Sus simma im Moment viel im Freia unterwegs. Radla, Rollerbladen, viel Spaziera - vor allem wenn i an anstregende Tag ka ha und a kläle Energien loswüra muass. Dia Wandersaison homma no nit eröffnet, aber am Wochenende stoht endlich dia erschte Tour uf am Programm. Im Riad simma o bald Dauergäste, aber es isch halt oafach so schöa rüabig und ideal zum Sünnala.

Mit da Nicki gib i mir im Moment ziemlich oft die Klinke in d'Hand. Mir wohnand zwar zemma, abar sind fast nia glichzitig dahoam. I ha min zweita Wohnsitz in Altach beim Clemens ufgschlaga und sie schickt mi, wenn ihr Freund ge Feanstarla kut. Und wenn i untar da Wocha tägwis frei ha, isch sie natürlich am Schaffa...

Sodele, des isch etz amol a Kurzzusammenfassung vu minam momentana Leaba gsi. ;-)
Tät mi freua, wenn sich amol wieder a paar mealda tätand und ich gelobe feierlich, dass as bis zum nächsta Eintrag koa halbes Johr durat!

A liabs Grüaßle in dia große weite Welt

Tina

PS: Ich hoffe, dass alle zumindestens das Meiste lesen und verstehen können, ansonsten einfach eine Übersetzung anfordern.

UUUUUUUUUUUULLLLLLLLLLLLLMMMMMMMMMM

Jo richtig, des isch as Ulmer Münster. Letschta Montag han is oafach nüm längar usghebt. Noch anam halba Johr Ulmabstinenz bin i endlich wiedar "hoam" ko. Es isch scho a ganz komisches Gfühl gsi. Scho wo ma no uf da Autobahn gsi sind, han i uf z'Mol a ganz komisches Bauchgfühl übarko. Als erstes simma zur Margret in d'Schual: großes Umarmen und Knuddeln und s'Gfühl als ob i erst gestern s'letschtmol useglofa bin. Leider isch d'Zit a kläle knapp gsi, abar da Tröglen, s'Pfannkuchenhaus, d'Hirschstrasse und s'Münster hond natürlich nit fehla dürfa. An jedar Ecke Erinnerunga an gmüatliche Sommerabende, verrückte Aktionen, lustige Ausflüge mit den Mädels... und endlich o amol am Clemens "mis" Ulm zoaga. Mit ganz viel Herzbluten simma viel z'früah wiedar losgfahra und hond no Silke, Pauline und Mathis bsuacht. Felix ist jetzt vielbeschäftigter Chefarzt in Memmingen und kaum mal zuhause anzutreffen. Nach einem gemütlichen Nachmittag im Grünen gings dann endgültig wieder zurück ins Ländle.

Letztes Wochenende in Luzern...

Da jo d'Simone scho fast a richtige Luzernerin wora isch, homma übars Wochenende in a

4* Hotel eingecheckt und üs vu da "Ihemischa" die Sehenswürdigkeiten zoaga lo. Mir sind ganz viel umanand glofa, hond dia superleckere schweizer Küche gnossa, sind no meh umanand glofa, sind im Verkehrshaus gsi, sind fast um da ganze See glofa und hond dia wunderbare Atmosphäre und s'absolut geniale Weattar gnossa!!! Wird sicher bald wiederholt, odr?

Do homma superleckere Rösti geschmaust...
Nachts am Vierwaldstättersee
Nit nur am Clemens hots im Verkehrshaus Luzern gfalla. Wobei d'Simone und i natürlich scho eam z'liab aneganga sind.

...lang lang ist's her...

... und i ha ka nit säga, dass nüt los gsi wär, übar des i hät berichta künna. Im Gegatoal: Es isch boda viel passiert im letschta halba Johr. A kurze Zusammenfassung...... beruflich hots mi ziemlich gschüttelt. Nochdeam i in Dornbirn im Krankahus agfanga ha - nit im Kreißsaal, sondern erst amol uf Station mit Mamas und Babies - und nit damit greachnat ha innerhalb vu anam Johr am Kreißsaal übarhaupt z'noh z'ko, ha i Ende März us heiterem Himmel mine Versetzung zum 1. April erfahra. Erst amol bin i an Tag total übardreht gsi und ha mi gesamtes Umfeld mit spontana Jubelausbrüchen gnervt (sorry ;-) ). Wirklich richtig globa han is erst künna, wo-n-i da Dienstplan in Hända ka ha. In da nächsta Täg isch ma denn scho a kläle komisch gsi. Dia letschta Dianscht uf Station, wo i so liabe Kolleginna ins Herz gschlossa ha, in hufa Gedanka, wias im Kreißsaal wohl si würd, wia i mit da andra Hebamma usko wür und s'erneute istella uf a Einlernzit. Gad etz wo i endlich alloanig Dianschte macha ha dürfa, mine eigana Fraua und Kind betreut ha. Es isch denn abar alles so schneall ganga, dass as Grübeln gar koan Platz meh gfunda hot.Etz bin i scho fast an Monat im Kreißsaal. Dia erschta paar Dianschte isch ma als ziemlich viel vorko, abar mittlerweile ha i scho einige Geburta mitbegleitet und freu mi scho riesig ufs eigenständige Schaffa. A Umstellung sind vor allem dia Dienstzita gsi. Mir hond 12,5-Stunden-Dianschte. Tag und Nacht. Wenn i also Tagdianscht ha, verpass i an ganza Tag und kriag nüt mit vu da Wealt. Isch a komisches Gfühl, abar so langsam gwöhn i mi dra. Da große Vorteil isch, dass i im Monat nur 11-12 Täg schaffa muass! I ha also "viel" frei, wobei i dia Täg direkt noch am Schaffa meistens mit so eppas ähnlichem wia nam Murmeltierschlof verbring. Etz kum i gad us am Nachtdianscht und ha moan nomol an Tag, bevor i wiedar amol "lang" frei ha (drü Täg, abar für dia normal arbeitende Bevölkerung isch des anscheinend scho viel).

Sodele, etz isch gad d'Nicki hoamko und es git z'Mittag. Meald mi spötar nomol. Versprochen!!! ;-)